【愛妻號】林子善長文感謝太太愛的付出 暖爸公開婚姻保鮮法：經常讚老婆
發布時間： 2020/06/09 12:51
▲ 林子善撰長文感激太太付出。
去年底，林子善與太太Kary誕下女兒小乖乖，正式做爸爸。林子善更辭任冰室老闆，專注發展演藝工作及照顧家庭。有女萬事足的林子善現凡事以家庭為先，不過近日他忙於拍攝新劇，相對投放較少時間照顧家庭，要靠老婆事事為家打點。
不過，林子善沒有因為工作而冷落老婆，反在社交平台撰長文大讚老婆為家付出的功勞，並分享夫妻相處之道，獲不少圈中人妻陳自瑤及麥雅緻等大讚。
【降魔的2.0】愛妻號C君每天只想讓太太開心 收入全數「上繳」太太黃天頤【有片】
子善感激太太付出
林子善憶述近日忙於拍劇及健身而分配較少時間在家庭上：
呢個POST係我頭先行行吓返屋企好想歌頌下我老婆平時對我嘅體諒，首先大家都知道做我呢行忙起上嚟非常忙碌，放工返屋企全家瞓緊起身返工全家仲瞓緊，因為好多時真係只瞓得幾個鐘頭，仲要好多時一放假，除咗休息之外通常都去咗做健身，尤其是近排操得密左時間分配少咗俾老婆同BB....
【兩個小生去Camping】周柏豪認脾氣差幸太太包容 愛妻男神：每晚拖老婆手睡覺【有片】
但林子善的太太Kary就非常識做，把家打理得頭頭是道，令林子善大為感激太太不辭勞苦的付出與支持：
但我老婆都非常支持我做嘅一切，令到我更放心打好呢場仗，每個人都有佢自己嘅家庭，都有一本難念的經，但出嚟做事如果有個好似我咁嘅老婆真係非常幸福。
所以好感恩佢一直支持我，包括放棄做老闆佢都好支持，好似今晚咁操都咁夜成12點先返到屋企，佢每次見到我第一眼永遠都係笑，我個女同佢好似每朝起身見到我第一眼又係笑，所以好想喺度多謝佢嘅支持。
【黃日華喪妻】黃日華稱愛妻梁潔華帶笑離去 華哥讚太太是生命鬥士：從她身上學懂愛
夫妻相處
林子善又分享夫妻相處之道，作為愛妻號的他更向老婆表白：
我成日同好多兄弟講，放大老婆嘅優點縮小老婆嘅缺點，你想做皇帝就要將老婆變成皇后，多啲讚賞老婆同多聆聽佢嘅說話。如果你唔聽佢講嘢佢搵第二個聽，咁呢啲叫做捉蟲入pat pat你諗啦。我從來未怕過老婆因佢一直守護我，你都試吓出P讚自己老婆關係必定好，BIG BABY I LOVR YOU!
林子善與太太Kary於2017年結婚，去年初宣佈懷有女兒，12月底出生。當時，林子善為照顧太太，便決心辭任做了7年的冰室老闆，做回全職演員，期望把更多時間分配在家庭。
女兒小乖乖出生後，林子善更變做愛女狂魔，不時在社交平台分享女兒可愛照。雖然有女萬事足，但他沒有忘記感激太太的付出，一家三口非常幸福。
訂閱Telegram最新🍴✈️🎁優惠及送禮情報：https://bit.ly/3bebLM2
撰文 : TOPick 柴犬出動
